O
meu balance destes cen días de goberno é positivo é estou razoablemente
satisfeito.Foi unha etapa de asentamento no cargo e de sentar as bases para
desenvolver o proxecto que temos deseñado para Santa Comba. Isto non impediu
que avanzaramos en cuestións fundamentais para o concello.
Temos
un compromiso de ofrecer o cidadán unha administración áxil e eficaz e de
impulsar as infraestruturas e os servizos que consoliden o progreso de Santa
Comba.
No
primeiro sentido, realizamos unha radiografía da organización interna e dos
servizos que presta o concello, tentando ir mellorando o funcionamento da
maquinaria municipal. Tamén adiquei unha boa parte do tempo a recibir os
veciños e a visitar aldeas e parroquias para establecer prioridades de
vindeiras actuacións. Froito deste traballo estamos deseñando o plan de
infraestruturas rurais, traballando nos orzamentos e noutras accións que irán
pouco a pouco cristalizando.
O
outro foco da nosa acción e buscar apoios nas necesidades de envergadura que
non podemos afrontar como concello. A aínda que estamos nun marco de crise,
estamos demandando unha serie de melloras básicas. Reunímonos co Conselleiro de
Medio Ambiente, para ratificar que a estrada de Santiago é a nosa gran
prioridade, e para interesarnos por outros proxectos como o da Variante, a
mellor no Polígono, etc. O próximo 29 de setembro imos a seguir traballando
nesta dirección nun encontro de traballo coa Directora Xeral de
Infraestruturas, Ethel Vázquez Mourelle.
Recibimos
no concello a delegada territorial da Xunta de Galicia, Belén Do Campo, a que
presentamos un proxecto para a conversión da Casa do Pozo nun centro expositivo
comarcal, ademáis de exporlle tódalas necesidades que temos en diferentes materias.
E logo fomos profundizando en temas de servizos sociais co responsable do
Consorcio galego de Igualdade e Benesta, Roberto Rodríguez, abordando aspectos
como a búsqueda dunha saída a Vivenda Comunitaria. Demandamos melloras
educativas a xefa territorial, Teresa Villaverde. Preparamos a unificación de
criterios co concello veciño de Coristanco e co seu alcalde, Antonio Pensado
para traballar conxuntamente e conseguir unha mellora na comunicación Santa
Comba-Coristanco.
E
ademáis, seguimos organizando actividades, entrevistándonos con asociacións, e
afrontando as responsabilidades do día a día, cun compromiso firme de continuar
coa liña dunha política económica rigurosa e de reducción da débeda iniciada
anos atrás. En definitiva, considero que aproveitamos ben o tempo e marcamos
unha dirección cara o futuro e o progreso.Puxemos enriba da mesa os proxectos,
e comenzamos a pelexar para que se fagan realidade.
No hay comentarios:
Publicar un comentario